எங்கள் தேசம் எங்களை நம்பி

பல்லவி
எங்கள் தேசம் எங்களை நம்பி இருக்கிறது
இழந்த நிலத்தில் கனவுகள் புதைந்து கிடக்கிறது
இனிவருவது இளையோர் காலம்
அவர் தோள்களில்எங்கள் தேசம்
இனிவருவது இளையோர் காலம்
அவர் தோள்களில்எங்கள் தேசம்

இந்த உலகம் முழுவதும்
உன் குரல் ஒலிக்கட்டுமே..
இனி விழிகளை மூடிய
உலகம் விழிக்கட்டுமே..

இந்த உலகம் முழுவதும்
உன் குரல் ஒலிக்கட்டுமே..
இனி விழிகளை மூடிய
உலகம் விழிக்கட்டுமே..

எங்கள் தேசம் எங்களை நம்பி இருக்கிறது
இழந்த நிலத்தில் கனவுகள் புதைந்து கிடக்கிறது

சரணம் -1
நெருப்பில் கரைந்த தேசம்
எங்கள் உயிரின் கருவாகும்
எம் அன்னையர் பூமியை
உரிமை கோரிட எவனுக்கும் உரிமையில்லை!

போரில் வீழ்ந்த முகங்கள்
எங்கள் தேசத்தின் வரமாகும்
வந்தேறிய குடிகள் எம்மை
ஆழ்வதை இனியும் ஏற்பதில்லை!

தாய்மண்ணில் வாழ்ந்த பூர்வீக மக்கள்
மின்சார வேலிக்குள்ளே கருகுதடா
தாய்மண்ணில் வாழ்ந்த பூர்வீக மக்கள்
மின்சார வேலிக்குள்ளே கருகுதடா

வானம் நெருப்பினை வீச..
காட்டில் உறவுகள் வாட..
ஈழத்தமிழன் வாழ்வு எரியுதடா!

எங்கள் தேசம் எங்களை நம்பி இருக்கிறது
இழந்த நிலத்தில் கனவுகள் புதைந்து கிடக்கிறது

சரணம் - 2
முடிந்தது போர் என்று நினைத்தால்
அது அவர்களின் தவறாகும்..
அறிவாயுதம் ஏந்தி தினம் தினம்
உழைப்பது எங்கள் பொறுப்பாகும்

ஒற்றுமை இழந்ததினாலே இங்கு
எத்தனை அவலங்கள்..
ஒரு குடையின் கீழ் நாம் இணைந்தாலே
இனி பறந்திடும் துயரங்கள்

போராட்ட வடிவங்கள்
எத்தனை என்றாலும்..

உலகெல்லாம் ஒன்றாகிப் போராடு

போராட்ட வடிவங்கள்
எத்தனை என்றாலும்..

உலகெல்லாம் ஒன்றாகிப் போராடு

இனவெறிக் கூட்டங்கள் ஓட..
அன்னை மண்ணும் மீள..
எங்கள் சூரியன் மீண்டும் உதிக்கட்டுமே!

பல்லவி நிறைவு

எங்கள் தேசம் எங்களை நம்பி இருக்கிறது
இழந்த நிலத்தில் கனவுகள் புதைந்து கிடக்கிறது
இனிவருவது இளையோர் காலம்..
அவர் தோள்களில் எங்கள் தேசம்..
இனிவருவது இளையோர் காலம்..
அவர் தோள்களில் எங்கள் தேசம்..

இந்த உலகம் முழுவதும்
உன் குரல் ஒலிக்கட்டுமே..
இனி விழிகளை மூடிய
உலகம் விழிக்கட்டுமே..

இந்த உலகம் முழுவதும்
உன் குரல் ஒலிக்கட்டுமே..
இனி விழிகளை மூடிய
உலகம் விழிக்கட்டுமே.

குரல் : வாணன்
இசை : சமீரன்
பாடல் : வசீகரன்
Banner: VN Music Dreams

VOICE: VANAN
MUSIC BY: SAMEERAN
LYRICS: VASEEHARAN